7
Müqəddəs Ramazan ayi münasibəti ilə , Quba Qəcrəș kəndi yolunda yerləşən ” Pətək ” restoraninin rəhbəri xeyirxah missiyasını davam etdirərək Vətən Müharibəsində qəhrəmancasına şəhadətə yüksələn şəhidlərimizin valideyinlərini dəvət edib, iftar süfrəsi təşkil edib.İftar süfrəsində ilk öncə Azərbaycanın dövlət müstəqilliyi və ərazi bütövlüyü uğrunda canlarından keçən qəhrəman Vətən övladlarının əziz xatirələri bir dəqiqəlik sükutla anılıb. “Qurani-Kərim”dən ayələr oxuyub, xalqımızın və dövlətimizin firavanlığı, əmin-amanlığı üçün dualar ediblər.
Din xadimləri ruzi-bərəkət, həmrəylik, dostluq-qardaşlıq, sevgi və mərhəmət ayı olan Ramazanın fəzilətlərindən, bu ayın insanlar arasında mənəvi saflıq, paklıq ayı olmasından söhbət ediblər. İnsanlar arasında həmrəyliyin və dini-mənəvi birliyin möhkəmləndirilməsinə xidmət edən mübarək Ramazan günlərində iftar süfrəsinin təşkil edilməsinin cəmiyyətimizin vahidliyinin, ümumi amallar naminə ölkəmizdə dövlət-din arasında sıx birliyin bariz nümunəsi olduğunu vurğulayıblar.
Mərasimdə torpaqlarımızın bütövlüyü uğrunda canından keçən şəhidlərimizin ruhlarına dualar oxundu.
AMİDTV.AZ
Aygün Məmmədova Azərbaycan Jurnalistləri Birliyinin üzvü
