Türkiyənin komediya səhnəsinin parlaq ulduzu Cem Yılmaz Çanakkaledəki evində qəfil başlayan şiddətli sinə ağrısı ilə xəstəxanaların birinə yerləşdirilib.

haberler.com saytından AMİDTV.AZ a verilən məlumata əsasən, Türkiyənin komediya səhnəsinin parlaq ulduzu Cem Yılmaz Çanakkaledəki evində qəfil başlayan şiddətli sinə ağrısı ilə ağır bir ürək krizi keçirib. Bir anda gülüşün ustası ölümün kölgəsinə yaxınlaşdı, lakin zamanla yarışan həkimlərin sürətli müdaxiləsi onun həyatını xilas etdi.

Ayvacıq Dövlət Xəstəxanasında edilən ilkin müdaxilədən sonra sənətçi təcili olaraq Çanakkale Onsekiz Mart Universiteti Tibb Fakültəsinə çatdırıldı. Burada Prof. Dr. Ercan Akşit və komandası tərəfindən həyata keçirilən 40 dəqiqəlik əməliyyat zamanı el biləyindən girilərək tıxanmış damara stent qoyuldu. Bu sürətli tibbi zəncir sayəsində ürək toxumasında çürümə və çatışmazlıq riski aradan qalxdı.

Prof. Dr. Akşit əməliyyatdan sonra verdiyi açıqlamada, “Cem bəy bizə bir insanın keçirə biləcəyi ən böyük böhranlardan biri ilə gəldi. İki saat içində müdaxilə edərək ürək toxumasını qorumağı bacardıq” sözləri ilə vəziyyətin ciddiliyini vurğuladı. Hazırda sənətçinin koronar reanimasiya şöbəsində durumu stabil olaraq izlənilir.

Sağlıq naziri Kemal Memişoğlu sosial şəbəkədə paylaşım edərək “Sənətçinin durumu yaxşıdır, müalicəsi uğurla davam edir” açıqlaması ilə ictimaiyyəti rahatlatdı. Ağabeyi Can Yılmaz isə “Cem Yılmazın durumu yaxşıdır…

Müalicə prosesi uğurla tamamlandı” sözləri ilə sevənlərinə ümid verdi.

Bu hadisə yalnız bir sənətçinin həyatı ilə bağlı deyil, həm də cəmiyyət üçün ürək sağlamlığının həssaslığını xatırladan bir dərsdir. Müntəzəm müayinələr, sağlam həyat tərzi və erkən tibbi müdaxilə hər kəs üçün həyati əhəmiyyət daşıyır. Cem Yılmazın yaşadığı böhran, gülüşün arxasında gizlənən həyatın ciddiliyini bir daha gözlər önünə gətirdi.

AMİDTV.AZ