10
Müdafiə Nazirliyi ilə Azərbaycan Respublikasının İnsan Hüquqları üzrə Müvəkkili (Ombudsman) Aparatı arasında imzalanan 2025-ci ilin birgə tədbirlər planına əsasən, aparatın nümayəndələri Hərbi Hava Qüvvələrinin (HHQ) hərbi hissələrindən birini ziyarət ediblər.
Nümayəndə heyəti hərbi hissədə şəxsi heyətin təminatı və məişət şəraiti, o cümlədən tibb məntəqəsində müalicə alan hərbi qulluqçuların sağlamlığı və onlara göstərilən tibbi xidmətlə tanış olub.
Hərbi qulluqçularla keçirilən görüş zamanı onların hüquqlarının müdafiəsi, insan hüquqlarının qorunması vəziyyətinin öyrənilməsi və digər mövzularda fikir mübadiləsi aparılıb, şəxsi heyəti maraqlandıran suallar cavablandırılıb.
AMIDTV.AZ
