0
İctimai fəal, III dəfə respublika mahnı müsabiqəsinin laureatı, gənc xanəndə Allahverən Pərvizoğlu II dəfə Sovet İttifaqı Qəhrəmanı, general-mayor Həzi Aslanovun anadan olmasının 116-cı ildönümü münasibətilə onun ev-muzeyi ziyarət edib.
Ziyarət zamanı muzeyin bələdçisi Nərmin Şahməmmədova qonağa ev-muzeyinin yaranma tarixi, burada nümayiş etdirilən eksponatlar, general-mayor Həzi Aslanovun həyat və döyüş yolunu əks etdirən sənədlər, şəxsi əşyalar və tarixi materiallar haqqında ətraflı məlumat verib. Bildirib ki, ev-muzeyi qəhrəman sərkərdənin xatirəsinin yaşadılması və gənc nəslin vətənpərvərlik ruhunda tərbiyə olunması baxımından mühüm əhəmiyyət daşıyır.
Ziyarət zamanı Həzi Aslanovun Azərbaycan hərb tarixindəki misilsiz xidmətləri, göstərdiyi qəhrəmanlıq nümunələri və Vətənə sədaqəti xüsusi vurğulanıb.
Allahverən Pərvizoğlu general-mayor Həzi Aslanovun xatirəsinin daim ehtiramla anılmasının vacibliyini qeyd edib, belə ziyarətlərin gənclər üçün örnək olduğunu bildirib.
Sonda gənc xanəndə Allahverən Pərvizoğlu muzeyin xatirə kitabına ürək sözlərini yazıb və şəkil çəkdirilib.
AMİDTV.AZ
