5
Diasporla İş üzrə Dövlət Komitəsində Şimali Kipr Türk Respublikasında fəaliyyət göstərən Final Universitetinin rektoru Orhan Gemikonaklı ilə görüş keçirilib.
Qonağı səmimi salamlayan komitənin şöbə müdiri Cavid İsmayıl fəaliyyət istiqamətləri və həyata keçirilən layihələr, xaricdə yaşayan azərbaycanlıların təşkilatlanması, soydaşlarımızın müharibə dövründə və müharibədən sonra gördükləri işlər barədə məlumat verib.
Səmimi qəbula görə təşəkkür edən rektor səfərin məqsədi və Final Universitetinin fəaliyyəti barədə söz açıb, universitetdə azərbaycanlı tələbələrin təhsil almasından məmnunluq duyduğunu bildirib. Səfər zamanı müxtəlif ali təhsil müəssisələrində görüşlər keçirdiyini deyən rektor Azərbaycan universitetləri ilə təcrübə və tələbə-müəllim mübadiləsinə hazır olduqlarını vurğulayıb.
Görüşdə Azərbaycan-Şimali Kipr Dostluq Cəmiyyətinin sədri Orxan Həsənoğlu da iştirak edib.
AMIDTV.AZ
