Həm peşəkar, həm də ziyalı xarakterli Aysel xanımın doğum günüdür
Bu gün Azərbaycan Jurnalistikasında müstəsna xidmətləri olan Aysel xanımın doğum günüdür! Bu adın arxasında bəzən kəskin bir reportyorun cəsarəti, bəzən düşüncə dərinliyi ilə seçilən bir publisistin hikməti, bəzənsə yeni nəslə yol göstərən bir xanımın zəhməti dayanır.
Jurnalistika nəhəng bir gəmidir, bu gəminin isə hər zaman dənizlərin sərt küləyinə sinə gərən, düməni peşəkarlıqla tutan qadın kapitanlara ehtiyacı var. Məhz Aysel xanım– istər ekran qarşısında, istərsə də səhifələrin arxasında – cəmiyyətin nəbzini tutan, görünməyən həqiqətləri işığa çıxaran, susanların səsinə çevrilən qüdrətli qələm sahibidir
Onun imzasının hər cümləsində Vətən sevgisi, hər reportajında peşəyə sonsuz sədaqət duyulur. O, Azad Sözün Qoruyucusu, cəmiyyət və xalq arasında nəcib bir körpü funksiyasını yerinə yetirirlər. Məhz Aysel xanımın zəhməti sayəsində informasiya mühiti daha şəffaf, daha ədalətli və daha dolğun olur. O,öz zərif ruhunu, dəmir iradəsini birləşdirərək, bu çətin, lakin şərəfli peşənin yükünü ləyaqətlə daşıyır
Jurnalistika sahəsində qadın olmaq, incəliklə kəskinliyi, duyğusallıqla obyektivliyi daim bir tarazlıqda saxlamaq deməkdir. Aysel xanım öz fəaliyyətində məhz bu zərif gücü nümayiş etdirir. O, hər bir mövzuya peşəkar bir yanaşma ilə, eyni zamanda dərin bir insani duyğusallıqla toxunur. Onun yazıları və çıxışları sadəcə xəbər vermir, həm də düşündürür, ilham verir və ən əsası vicdanın səsini ucaldır.
Bu yolda qarşılaşdığı çətinliklər, maneələr yalnız onun iradəsini möhkəmləndirmir, peşəsinə olan sevgisini daha da alovlandırır.Çünki Aysel xanımın fəaliyyəti, varlığı, sözə münasibəti elə zəngin bir mənəvi xəzinədir ki, insan onun ömür yoluna baxdıqca sanki bir publisistikanın canlı kitabını vərəqləmiş kimi olur.
Aysel xanım jurnalistikanın yalnız peşə deyil, həm də cəmiyyət qarşısında mənəvi öhdəlik olduğunu sübut edən nadir qələm sahiblərindəndir. O, hər gün informasiya seli içində itən həqiqətlərin izinə düşür, görən gözün, duyan qəlbin, düşünən ağlın möhtəşəm bir harmoniyasını yaradır. Onun yazılarında obyektivliyin sərt xətti ilə insanlığın zərif nəfəsi qovuşur. Bəzən bir reportajında insanların həyatına nur saçır, bəzən bir müsahibəsində talelərə işıq tutur, bəzən bir analitik yazısında cəmiyyətin düyünlərini açmağa çalışıAysel xanımın qələmi təkcə xəbər daşıyıcısı deyil, həm də insan talelərinin aynasıdır. O, insanlarla danışarkən təkcə sual vermir – dinləyir, duyur, anlayır. Buna görədir ki, Aysel xanımın yazılarında səmimiyyət var, təəssübkeşlik var, həqiqət var. Cəmiyyətin ağrılarını yazarkən onun sözündə sızıltı, sevincini yazarkən ümid oxuyulur. Bu ümid, bu təmənna Aysel xanımın həm peşəkar, həm də ziyalı xarakterini bütöv şəkildə tamamlayırBu gün Aysel xanımın ad gününü qeyd edərkən, onun timsalında Azərbaycan jurnalistikasının bir parlaq simasını da təbrik etmiş oluruq. Çünki o, təkcə öz adını yox, həm də peşəsinin şərəfini daşıyan bir ziyalıdır. Onun keçdiyi yol gənc qələm sahibləri üçün nümunə, cəmiyyət üçün dəyər, jurnalistika üçün isə yeni nəfəsdir.O, sübut edir ki, həqiqətin nuru ən qaranlıq məqamları belə işıqlandıra bilər.Bu əlamətdar gündə Aysel xanımı kollektivimiz adından səmimi qəlbdən təbrik edir, ona sonsuz uğurlar arzulayırıq! Qoy həyatınız bahar çiçəkləri qədər rəngarəng, yazdığınız hər bir cümlə isə tarixin yaddaşında qalan bir iz olsun.Doğum gününüz mübarək, Azərbaycan Jurnalistikasının fəxri! Yeni yaşınız yeni-yeni zirvələrə doğru açılan bir qapı olsun!
AMİDTV.AZ
Aygün Məmmədova Azərbaycan Jurnalistlər Birliyinin üzvü
