Silahlı Qüvvələr günü Qubada təntənəli şəkildə qeyd olundu

1918-ci il tarixli qərarla Müsəlman Korpusunun adı dəyişdirilərək Əlahiddə Azərbaycan Korpusu adlandırıldı və bununla da milli silahlı qüvvələrin yaradılması istiqamətində mühüm addım atıldı.

1992-ci il oktyabrın 9-da isə silahlı qüvvələrimizin Bakıda ilk hərbi paradı keçirilib. Prezident Heydər Əliyevin 22 may 1998-ci il Sərəncamına əsasən, Əlahiddə Azərbaycan Korpusunun yarandığı gün – 26 iyun Azərbaycan Respublikasının Silahlı Qüvvələr Günü elan olundu və hər il bu tarix rəsmi dövlət bayramı kimi qeyd edilir.
Azərbaycan Respublikasının Prezidenti Heydər Əliyev hərbi təhsil sisteminin daha da inkişaf etdirilməsi məqsədi ilə 1999-cu il yanvarın 20-də Hərbi Akademiyanın yaradılması haqqında fərman imzalamışdır. 2011-ci il iyunun 26-da Bakıda Silahlı Qüvvələr Günü və müstəqilliyin bərpasının 20 illiyi, 2013-cü ildə isə Silahlı Qüvvələr Gününün yaranmasının 95 illiyi ilə münasibətilə hərbi parad keçirilib.

Bu gün Qafqazda ən müasir ordu hesab olunan Azərbaycan Milli Ordusu Hərbi Hava və Hava Hücumundan Müdafiə, Hərbi Dəniz və Quru qoşunlarından ibarətdir. Bu qoşun növləri potensial rəqiblə qırıcı və bombardmançı təyyarələrlə effektiv mübarizə aparmaq iqtidarındadır. MDB çərçivəsində Azərbaycan hava hücumundan müdafiə qüvvələrinə malik ən güclü ölkələrdən sayılır. Büdcə vəsaiti ildən-ilə artırılan Azərbaycan Silahlı Qüvvələrinin buna müvafiq olaraq hərbi imkanları da genişlənir.

Hər il qürurla Silahlı Qüvvələr günü Respublikamızın hər yerində təntənəli şəkildə qeyd olunur.

Quba rayonu Tarix Diyarşunaslıq muzeyində 26 iyun Silahlı Qüvəllər günü münasibəti ilə tədbir keçirildi.Bu  tədbirdə  müğenni Şakir Abbas hər zaman olduğu kimi, müqəddəs torpaqlarımız uğrunda canlarından keçmiş şəhidlərimizin valideynlərini , ailələrini başına toplayıb ,onlara olan borcunu qisməndə olsa çıxmağa çalışıb. Tədbiri yüksək səviyyədə qeyd etmək üçün əlindən gələni əsirgəmədi hit mahnılarını səsləndirib könülləri oxşadı.Şehidlərimizi anaraq , yaşasın yenilməz Azərbaycan ordusu  deyerək  onlarla birgə Silahlı qüvvələr gününü yüksək səviyyədə qeyd etdi.

P.S:Azərbaycan Silahlı Qüvvələrinin təyinatı Azərbaycan dövlətinin müstəqilliyini, ərazi bütövlüyünü və onun xalqının azadlığını qorumaqdır. Silahlı qüvvələrin bütün əməkdaşlarını təbrik edir, gərgin və məsuliyyətli işlərində, xidmətlərində müvəffəqiyyətlər arzu edirik. 

AMİDTV.AZ

Aygün Məmmədova