Gənclər Günü: Azərbaycanın Parlaq Gələcəyinin Rəmzi
Hər il 2 fevral tarixində ölkəmizdə “Gənclər Günü” təntənə ilə qeyd edilir. Bu əlamətdar gün Ümummilli Lider Heydər Əliyevin 1997-ci ildə verdiyi fərmanla təsis olunmuş və o vaxtdan etibarən Azərbaycan gənclərinin inkişafına göstərilən dövlət qayğısının rəmzinə çevrilmişdir.Müstəqillik illərində ölkəmizdə gənclər siyasəti strateji istiqamətlərdən biri kimi müəyyən edilmiş, onların bilik və bacarıqlarının inkişafı, sağlam həyat tərzinin təşviqi, idman və mədəniyyət sahələrində fəallığının artırılması üçün geniş imkanlar yaradılmışdır. Xüsusilə, Azərbaycan Respublikasının Prezidenti cənab İlham Əliyevin rəhbərliyi altında həyata keçirilən gənclər proqramları, idmanın kütləviliyinin artırılması və sağlam həyat tərzinin təşviqi sahəsində aparılan islahatlar bu gün öz bəhrəsini verməkdədir.Gənclərin fiziki və mənəvi inkişafında idmanın rolu danılmazdır. Azərbaycan İdman Akademiyası kimi ali təhsil müəssisələri məhz gənclərin idmana olan marağını artırmaq, onların bu sahədə peşəkar inkişafına təkan vermək məqsədi ilə fəaliyyət göstərir. Kütləvi sağlamlıq idmanı sahəsində aparılan işlər gənclərin həyat tərzini daha aktiv etməyə və onların sağlam gələcəyini təmin etməyə yönəlmişdir.Bu gün Azərbaycan gəncləri yalnız ölkə daxilində deyil, beynəlxalq arenada da yüksək nəticələr göstərirlər. Onlar elm, idman, mədəniyyət və digər sahələrdə əldə etdikləri uğurlarla Azərbaycanın adını yüksəklərə qaldırır, ölkəmizi layiqincə təmsil edirlər. Dövlət tərəfindən yaradılan imkanlar, müasir idman kompleksləri, gənclər mərkəzləri və təhsil proqramları gənclərin potensialını tam şəkildə reallaşdırmasına şərait yaradır.Gənclər Günü münasibətilə bütün gəncləri təbrik edir, onlara sağlam, uğurlu və parlaq gələcək arzulayırıq. Azərbaycanın inkişafı və çiçəklənməsi məhz gənc nəslin bilik və bacarığından, onların vətənpərvərlik ruhundan asılıdır. Dövlətin və cəmiyyətin daim dəstəklədiyi Azərbaycan gəncləri, şübhəsiz ki, ölkəmizin daha da güclənməsi yolunda əzm və inamla irəliləyəcəklər.
AMİDTV.AZ
Məmmədov İlkin Rasət oğlu. Azərbaycan İdman Akademiyasının müəllimi, iqtisadçı, Yeni Azərbaycan Partıyasının üzvü
